ನಮ್ಮ ಮತ ನಮ್ಮ ಹಕ್ಕು….
ಇವತ್ತಿನಿಂದ (30 ಜೂನ್ 2026) SIR ಪ್ರಕ್ರಿಯೆ ಆರಂಭ
ಗ್ರಾಮ ಪಂಚಾಯತ್, ತಾಲ್ಲೂಕು ಪಂಚಾಯತ್, ಜಿಲ್ಲಾ ಪಂಚಾಯತ್, ಪುರಸಭೆ, ಪಟ್ಟಣ ಪಂಚಾಯತ್ ಚುನಾವಣೆಗಳು ಸಮೀಪಿಸುತ್ತಿರುವ ಈ ಕಾಲಘಟ್ಟದಲ್ಲಿ ರಾಜಕೀಯ ಪಕ್ಷಗಳ ನಾಯಕರು, BLA ಗಳು, ಚುನಾವಣಾ ಆಕಾಂಕ್ಷಿಗಳು ಮತ್ತು ಪ್ರತಿಯೊಬ್ಬ ಮತದಾರರು ತಿಳಿದುಕೊಳ್ಳಲೇಬೇಕಾದ ಮಾಹಿತಿ:
ನಾಳೆ, 30 ಜೂನ್ 2026ರಿಂದ ವಿಶೇಷ ಸಮಗ್ರ ಪರಿಷ್ಕರಣೆ (Special Intensive Revision – SIR) ಪ್ರಕ್ರಿಯೆಯ ಪ್ರಮುಖ ಹಂತ ಆರಂಭವಾಗುತ್ತಿದೆ. ಈ ದಿನದಿಂದ Booth Level Officer (BLO) ಗಳು ಮನೆಮನೆಗೆ ಭೇಟಿ ನೀಡಿ ಮತದಾರರ ಮಾಹಿತಿ ಸಂಗ್ರಹಣೆ ಮತ್ತು ಪರಿಶೀಲನೆ ಆರಂಭಿಸಲಿದ್ದಾರೆ.
ಈ ಸಂದರ್ಭದಲ್ಲಿ ಮತದಾರರು, ಸಮಾಜ ಸೇವಕರು, ವಿದ್ಯಾವಂತರು, ವಿವಿಧ ಪಕ್ಷಗಳ ನಾಯಕರು, Booth Level Agents (BLA), ಪಕ್ಷದ ಕಾರ್ಯಕರ್ತರು ಹಾಗೂ ಪ್ರತಿಯೊಬ್ಬ ಮತದಾರರೂ ತಮ್ಮ ತಮ್ಮ ಜವಾಬ್ದಾರಿಗಳನ್ನು ಅರಿತು ಕಾರ್ಯನಿರ್ವಹಿಸುವುದು ಅತ್ಯಂತ ಮುಖ್ಯ.
ಪ್ರತಿಯೊಬ್ಬ ಮತದಾರರೂ ತಮ್ಮ ಮನೆಯ, ತಮ್ಮ ಕುಟುಂಬದ ಹಾಗೂ ಸಾಧ್ಯವಾದರೆ ಪಕ್ಕದ ಮನೆಯ ಅರ್ಹ ಮತದಾರರ ಹೆಸರುಗಳು ಮತದಾರರ ಪಟ್ಟಿಯಿಂದ ತಪ್ಪಿಹೋಗದಂತೆ ಎಚ್ಚರ ವಹಿಸಬೇಕು.
ಕರಡು ಮತದಾರರ ಪಟ್ಟಿ ಪ್ರಕಟವಾದಾಗ ಹೆಸರುಗಳನ್ನು ಪರಿಶೀಲಿಸುವುದು, ಅಗತ್ಯ ದಾಖಲೆಗಳನ್ನು ಸಿದ್ಧವಾಗಿಟ್ಟುಕೊಳ್ಳುವುದು, Enumeration Form (EF) ಅನ್ನು ಸರಿಯಾಗಿ ಭರ್ತಿ ಮಾಡಿ ಸಲ್ಲಿಸುವುದು ಹಾಗೂ ಅಗತ್ಯವಿದ್ದರೆ ತಿದ್ದುಪಡಿ ಮಾಡಿಸಿಕೊಳ್ಳುವುದು ಪ್ರತಿಯೊಬ್ಬ ನಾಗರಿಕನ ಜವಾಬ್ದಾರಿಯಾಗಿದೆ.
ಅದೇ ರೀತಿ BLA ಗಳು ತಮ್ಮ ಬೂತ್ ವ್ಯಾಪ್ತಿಯ ಯಾವುದೇ ಅರ್ಹ ಮತದಾರರು ಬಡತನ, ದಾಖಲೆಗಳ ಕೊರತೆ, ಸ್ಥಳಾಂತರ, ವಯಸ್ಸು, ಅಂಗವೈಕಲ್ಯ ಅಥವಾ ಮಾಹಿತಿ ಕೊರತೆಯ ಕಾರಣದಿಂದ ಮತದಾನದ ಹಕ್ಕಿನಿಂದ ವಂಚಿತರಾಗದಂತೆ ನೋಡಿಕೊಳ್ಳುವ ಜವಾಬ್ದಾರಿಯನ್ನು ನಿರ್ವಹಿಸಬೇಕು.
SIR ಎಂದರೇನು?
Special Intensive Revision (SIR) ಎಂದರೆ ಮತದಾರರ ಪಟ್ಟಿಯ ವಿಶೇಷ ಸಮಗ್ರ ಪರಿಷ್ಕರಣೆ.
ಇದರ ಪ್ರಮುಖ ಉದ್ದೇಶಗಳು:
ಹೊಸ ಮತದಾರರ ಸೇರ್ಪಡೆ
ಮೃತರ ಹೆಸರುಗಳ ತೆಗೆದುಹಾಕುವಿಕೆ
ಸ್ಥಳಾಂತರಗೊಂಡವರ ವಿವರಗಳ ನವೀಕರಣ
ತಪ್ಪು ಮಾಹಿತಿಯ ತಿದ್ದುಪಡಿ
ನಿಖರ ಮತ್ತು ನವೀಕೃತ ಮತದಾರರ ಪಟ್ಟಿ ಸಿದ್ಧಪಡಿಸುವುದು
2026ರ SIR ವೇಳಾಪಟ್ಟಿ
20-06-2026 ರಿಂದ 29-06-2026
ಪೂರ್ವಸಿದ್ಧತೆ, ತರಬೇತಿ ಮತ್ತು ಮುದ್ರಣ
30-06-2026 ರಿಂದ 29-07-2026
BLOಗಳಿಂದ ಮನೆಮನೆಗೆ ಭೇಟಿ ಮತ್ತು ಮಾಹಿತಿ ಸಂಗ್ರಹ
05-08-2026
ಕರಡು ಮತದಾರರ ಪಟ್ಟಿ ಪ್ರಕಟಣೆ
05-08-2026 ರಿಂದ 04-09-2026
ಆಕ್ಷೇಪಣೆ ಮತ್ತು ಹಕ್ಕು-ದಾವೆ ಸಲ್ಲಿಕೆ
07-10-2026
ಅಂತಿಮ ಮತದಾರರ ಪಟ್ಟಿ ಪ್ರಕಟಣೆ
ಪ್ರತಿಯೊಂದು ಹಂತದಲ್ಲೂ ಮತದಾರರು ಮತ್ತು BLA ಗಳು ಸಕ್ರಿಯರಾಗಿರಬೇಕು.
BLA ಯ ಪಾತ್ರ
Booth Level Agent (BLA) ಕೇವಲ ಪಕ್ಷದ ಪ್ರತಿನಿಧಿಯಲ್ಲ.
ಅವರು ತಮ್ಮ ಬೂತ್ ವ್ಯಾಪ್ತಿಯ ಮತದಾರರ ಹಕ್ಕುಗಳ ರಕ್ಷಕರಾಗಿರಬೇಕು.
ಅವರ ಪ್ರಮುಖ ಕರ್ತವ್ಯಗಳು:
ಮನೆಮನೆ ಸಂಪರ್ಕ
ಹೊಸ ಮತದಾರರ ಗುರುತಿಸುವಿಕೆ
ಮೃತರ ಮಾಹಿತಿ ಸಂಗ್ರಹಣೆ
ಸ್ಥಳಾಂತರಗೊಂಡವರ ಮಾಹಿತಿ ಸಂಗ್ರಹಣೆ
Form 6, Form 7 ಮತ್ತು Form 8 ಕುರಿತು ಮಾರ್ಗದರ್ಶನ
ಕರಡು ಮತದಾರರ ಪಟ್ಟಿಯ ಪರಿಶೀಲನೆ
ಅಂತಿಮ ಪಟ್ಟಿವರೆಗೆ ನಿಗಾ
Form 6, Form 6A, Form 7 ಮತ್ತು Form 8 ಬಳಕೆ ವಿಧಾನ
Form 6:
ಹೊಸ ಅರ್ಹ ಮತದಾರರ ಹೆಸರು ಸೇರಿಸಲು ಹಾಗೂ ಸ್ಥಳಾಂತರಗೊಂಡ ಮತದಾರರ ಹೊಸ ನೋಂದಣಿಗೆ.
Form 6A:
ವಿದೇಶದಲ್ಲಿ ವಾಸಿಸುತ್ತಿರುವ ಭಾರತೀಯ ನಾಗರಿಕರು (Overseas Electors) ಮತದಾರರ ಪಟ್ಟಿಯಲ್ಲಿ ನೋಂದಾಯಿಸಿಕೊಳ್ಳಲು.
Form 7:
ಅನರ್ಹ ಅಥವಾ ನಕಲಿ ನೋಂದಣಿಗಳ ವಿರುದ್ಧ ಆಕ್ಷೇಪಣೆ ಸಲ್ಲಿಸಲು.
Form 8:
ಹೆಸರು, ವಿಳಾಸ, ಜನ್ಮ ದಿನಾಂಕ, ಫೋಟೋ ಹಾಗೂ ಇತರೆ ವಿವರಗಳ ತಿದ್ದುಪಡಿಗೆ.
SIR ಸಂದರ್ಭದಲ್ಲಿ ಎದುರಾಗಬಹುದಾದ ಸಮಸ್ಯೆಗಳು
ಅರ್ಹ ಮತದಾರರ ಹೆಸರು ತಪ್ಪಿಹೋಗುವುದು
ಹೊಸ ಮತದಾರರು ಸೇರ್ಪಡೆಯಾಗದೆ ಉಳಿಯುವುದು
ದಾಖಲೆಗಳಲ್ಲಿ ಹೆಸರು ಅಥವಾ ವಯಸ್ಸಿನ ವ್ಯತ್ಯಾಸ
ಕರಡು ಪಟ್ಟಿಯನ್ನು ಪರಿಶೀಲಿಸದಿರುವುದು
ತಿದ್ದುಪಡಿ ಅರ್ಜಿಗಳನ್ನು ಸಮಯಕ್ಕೆ ಸಲ್ಲಿಸದಿರುವುದು
ಈ ಕಾರಣದಿಂದ ನಿರಂತರ ಮೇಲ್ವಿಚಾರಣೆ ಅತ್ಯಗತ್ಯ.
ದಾಖಲೆಗಳ ಬಗ್ಗೆ ತಿಳಿದುಕೊಳ್ಳಿ
SIR ಸಂದರ್ಭದಲ್ಲಿ ಕೆಲವು ದಾಖಲೆಗಳನ್ನು ಕೇಳುವ ಸಾಧ್ಯತೆ ಇದೆ.
ಉದಾಹರಣೆಗೆ:
ಜನನ ಪ್ರಮಾಣಪತ್ರ
ಶಾಲಾ ದಾಖಲೆ
ಜಾತಿ ಪ್ರಮಾಣಪತ್ರ
ಪಾಸ್ಪೋರ್ಟ್
ನಿವಾಸ ಪ್ರಮಾಣಪತ್ರ
ಭೂಮಿ ದಾಖಲೆ
ಅರಣ್ಯ ಹಕ್ಕು ದಾಖಲೆ
ಸರ್ಕಾರಿ ಸೇವಾ ದಾಖಲೆ
ಪಿಂಚಣಿ ದಾಖಲೆ
ಆಧಾರ್ ಮೊದಲಾದವು
ಎಲ್ಲಾ ನಾಗರಿಕರ ಬಳಿಯೂ ಈ ದಾಖಲೆಗಳು ಒಂದೇ ರೀತಿಯಲ್ಲಿ ಲಭ್ಯವಿರುವುದಿಲ್ಲ ಎಂಬುದನ್ನು ಗಮನಿಸಬೇಕು.
ವಿಶೇಷ ಗಮನ ಅಗತ್ಯವಿರುವ ಮತದಾರರು
ಹಿರಿಯ ನಾಗರಿಕರು
ಗ್ರಾಮೀಣ ಮಹಿಳೆಯರು
ಭೂಹೀನ ಕೃಷಿ ಕಾರ್ಮಿಕರು
ವಲಸೆ ಕಾರ್ಮಿಕರು
ಆದಿವಾಸಿಗಳು
ಅಲೆಮಾರಿ ಸಮುದಾಯಗಳು
ಅಂಗವಿಕಲರು
ನಗರ ಬಡವಸತಿ ನಿವಾಸಿಗಳು
ಕಡಿಮೆ ಸಾಕ್ಷರತೆ ಹೊಂದಿರುವವರು
ಇವರ ಹೆಸರುಗಳು ಪಟ್ಟಿಯಿಂದ ತಪ್ಪಿಹೋಗದಂತೆ ವಿಶೇಷ ಕಾಳಜಿ ವಹಿಸಬೇಕು.
ಮತದಾರರ ಪಟ್ಟಿ ಮತ್ತು ಪೌರತ್ವ
ಮತದಾರರ ಪಟ್ಟಿ ಮತ್ತು ಪೌರತ್ವ ಒಂದೇ ವಿಷಯವಲ್ಲ.
ಪ್ರಸ್ತುತ ಕಾನೂನಿನ ಪ್ರಕಾರ, ಮತದಾರರ ಪಟ್ಟಿಯಿಂದ ಹೆಸರು ಅಳಿಸಲ್ಪಟ್ಟರೆ ಪೌರತ್ವ ಸ್ವಯಂಚಾಲಿತವಾಗಿ ರದ್ದಾಗುವುದಿಲ್ಲ. ಪೌರತ್ವವು ಪ್ರತ್ಯೇಕ ಕಾನೂನು ಪ್ರಕ್ರಿಯೆಯ ಮೂಲಕ ನಿರ್ಧಾರವಾಗುತ್ತದೆ.
ಆದರೆ ಮತದಾರರ ಪಟ್ಟಿಯಲ್ಲಿ ಹೆಸರು ಇಲ್ಲದಿದ್ದರೆ ಮತ ಚಲಾಯಿಸಲು ಸಾಧ್ಯವಾಗುವುದಿಲ್ಲ. ಆದ್ದರಿಂದ ಮತದಾರರ ಪಟ್ಟಿಯಲ್ಲಿ ಹೆಸರು ಸುರಕ್ಷಿತವಾಗಿರುವುದು ಅತ್ಯಂತ ಮುಖ್ಯ.
ವಿವರಗಳ ಹೊಂದಾಣಿಕೆ ಪರಿಶೀಲಿಸಿ
ಪ್ರತಿಯೊಬ್ಬ ಮತದಾರರು ಈ ವಿವರಗಳನ್ನು ಪರಿಶೀಲಿಸಬೇಕು:
ಹೆಸರು
ಜನ್ಮ ದಿನಾಂಕ
ವಯಸ್ಸು
ವಿಳಾಸ
ಕುಟುಂಬ ಸದಸ್ಯರ ವಿವರಗಳು
ಸಣ್ಣ ವ್ಯತ್ಯಾಸ ಕಂಡರೂ Form 8 ಮೂಲಕ ತಿದ್ದುಪಡಿ ಮಾಡಿಸಿಕೊಳ್ಳಬೇಕು.
ಮ್ಯಾಪಿಂಗ್ ಮತ್ತು Enumeration Form (EF)
SIR ಪ್ರಕ್ರಿಯೆಯಲ್ಲಿ ಮ್ಯಾಪಿಂಗ್ ಮತ್ತು Enumeration Form (EF) ಎರಡೂ ಮಹತ್ವದ ಹಂತಗಳಾಗಿವೆ.
ಮ್ಯಾಪಿಂಗ್ ಎಂದರೆ ಬೂತ್ ವ್ಯಾಪ್ತಿಯ ಮನೆಗಳು, ಕುಟುಂಬಗಳು ಮತ್ತು ಮತದಾರರ ಮೂಲಭೂತ ಮಾಹಿತಿಯನ್ನು ಗುರುತಿಸಿ ದಾಖಲಿಸುವ ಪ್ರಕ್ರಿಯೆ.
ಇದರ ಮೂಲಕ ಹೊಸ ಮತದಾರರು, ಸ್ಥಳಾಂತರಗೊಂಡವರು, ಮೃತಪಟ್ಟವರು ಹಾಗೂ ಪಟ್ಟಿಯಲ್ಲಿ ತಿದ್ದುಪಡಿ ಅಗತ್ಯವಿರುವವರನ್ನು ಗುರುತಿಸಬಹುದು.
ಆದರೆ ಮ್ಯಾಪಿಂಗ್ ಪೂರ್ಣಗೊಂಡಿದೆ ಎಂದ ಮಾತ್ರಕ್ಕೆ ಪ್ರಕ್ರಿಯೆ ಮುಗಿದಂತಾಗುವುದಿಲ್ಲ.
Enumeration Form (EF) ಅನ್ನು ಪ್ರತಿಯೊಬ್ಬ ಮತದಾರರೂ ಸರಿಯಾಗಿ ಭರ್ತಿ ಮಾಡಿ ನಿಗದಿತ ಅವಧಿಯಲ್ಲಿ ಸಲ್ಲಿಸಬೇಕು.
EF ಸಲ್ಲಿಸಿದ ನಂತರವೂ ಕರಡು ಮತ್ತು ಅಂತಿಮ ಮತದಾರರ ಪಟ್ಟಿಯಲ್ಲಿ ತಮ್ಮ ಹೆಸರು ಇರುವುದನ್ನು ಖಚಿತಪಡಿಸಿಕೊಳ್ಳಬೇಕು.
ಅಂತಿಮ ಜವಾಬ್ದಾರಿ
ಯಾವುದೇ ಅರ್ಹ ನಾಗರಿಕರು ಬಡತನ, ದಾಖಲೆಗಳ ಕೊರತೆ, ಸ್ಥಳಾಂತರ, ಅಂಗವೈಕಲ್ಯ ಅಥವಾ ಮಾಹಿತಿ ಕೊರತೆಯ ಕಾರಣದಿಂದ ಮತದಾನದ ಹಕ್ಕು ಕಳೆದುಕೊಳ್ಳಬಾರದು.
ಇದು ಚುನಾವಣಾ ಆಯೋಗದಷ್ಟೇ ಅಲ್ಲ, ರಾಜಕೀಯ ಪಕ್ಷಗಳು, BLA ಗಳು, ಕಾರ್ಯಕರ್ತರು ಮತ್ತು ಪ್ರತಿಯೊಬ್ಬ ಜಾಗೃತ ನಾಗರಿಕನ ಜಂಟಿ ಜವಾಬ್ದಾರಿಯಾಗಿದೆ.
ಪ್ರಜಾಪ್ರಭುತ್ವದ ಬಲ ಕೇವಲ ಮತದಾನದ ದಿನದಲ್ಲಿ ಇರುವುದಿಲ್ಲ. ಅದು ನಿಖರ ಮತದಾರರ ಪಟ್ಟಿಯಲ್ಲಿ, ಜಾಗೃತ ಮತದಾರರಲ್ಲಿ, ಸಕ್ರಿಯ BLA ಗಳಲ್ಲಿ ಮತ್ತು ಜವಾಬ್ದಾರಿಯುತ ಸಾರ್ವಜನಿಕ ಭಾಗವಹಿಸುವಿಕೆಯಲ್ಲಿ ಅಡಗಿದೆ.
ಮತದಾರರ ಪಟ್ಟಿಯ ರಕ್ಷಣೆ = ಮತದಾನದ ಹಕ್ಕಿನ ರಕ್ಷಣೆ
ಮತದಾನದ ಹಕ್ಕಿನ ರಕ್ಷಣೆ = ಪ್ರಜಾಪ್ರಭುತ್ವದ ರಕ್ಷಣೆ
ನಮ್ಮ ಮತ ನಮ್ಮ ಹಕ್ಕು….
